De Sjtichting DOL haet door de jaore ein groot arsjief gezameld
van beuk, en al wat gesjreve is in en euver ’t Limburgs en de
sjpraok van kort euver de grens in ’t Belsj en ’t Duutsj. Deks
weurt ós vanal gevraog euver de beuk die in ’t Limburgs
oetgegaeve zeen. Dróm höbbe veer besjlis die lies van beuk
óp de website te zette, óm ederein dae get weite wilt, dao
euver weiteswies te make, zoe wie ós doelsjtellinge dat
aangaeve. ’t Kint gekaoze waere tösse diksjenaers en
euverige beuk.
In de lies sjtaon óch de beuk die allein de sjpraokkóns
van ein bepaold plat besjrieve en de beuk die veur ein
groot deil oet lieste van weurd besjtaon.
Veer höbbe draan gewirkd óm dees lies kompleet
te laote zeen en dróm wirke veer ze aaf en toe
bie. Zeukt gae nog beuk oet dees lies en wilt
gae weite of en wo ze nog te kriege zeen,
belt of
sjrieft ós, dan kómt gae dat te weite.
Wilt gae dees lies gans of deils gebroeke, laot
’t ós dan veuraaf weite.
